Në Pejë nesër me 4 Prill, hapet ekspozita personale e artistit Isa Alimusaj, e cila do të mbahet në Galerinë e Artit me nismë nga ora 19:00.
Kjo ekspozitë përfaqëson një udhëtim artistik unik përmes veprave të Alimusajt, duke sjellë një kombinim të ndjeshëm të traditës dhe inovacionit në artin bashkëkohorë.
Gjatë karrierës së tij mbi pesë dekada, Alimusaj ka krijuar rreth 12 mijë vepra arti.
Një nga ciklet më të njohura të tij është “Profilet Dardane”, që pasqyron angazhimin e tij të thellë me trashëgiminë dhe identitetin kosovar.
Piktura të njohura nga ky cikël janë “Figurat në hapësirë” dhe “Profile DardaneII” , të cilat ndodhen në koleksionin e Galerisë Kombëtare të Kosovës.
Punimet e tij janë ekspozuar gjerësisht në Ballkan dhe në vende të ndryshme të Evropës, duke përfshirë ekspozita të rëndësishme në Itali dhe Kosovë.
Stili i tij dallon për peizazhet e gjalla, të ëndërrta dhe emocione të fuqishme, duke krijuar një identitet të veçantë artistik.
Piktori i njohur kosovar, Isa Alimusaj, ka arritur një rekord mbresëlënës në botën e artit, duke krijuar mbi 12 mijë vepra, një shifër që tejkalon rekordin dhe krahasohet edhe me numrin e veprave të gjeniut spanjoll, Pablo Picasso./Njeshi/
