Kryetari i LDK-së, Lumir Abdixhiku, ka qëndruar gjatë ditës së sotme në Gjilan ku ka diskutuar me qytetarë dhe struktura të kësaj komune.
Ai tha se edhe marrëveshja e fusnotës kishte referencë interpretimin e GJND-së ndaj pavarësisë sonë, por marrëveshje që kemi pritur solli dykuptimësi statusit politik të vendit tonë.
“Madje edhe marrëveshja e fusnotës kishte referencë interpretimin e GJND-së ndaj pavarësisë sonë. Ky është një gabim historik. Ne pritem një marrëveshje për njohje, ky na solli një që i vë dykuptimësi statusit politik të vendit tonë” – tha ai.
Nga atje ai kritikoi kryeministrin për lëshim të madh më arritjen e marrëveshjes.
Ai tha se formulimi “Pa paragjykim ndaj statusit” në marrëveshjen Kurti Vuçiç është lëshimi më i madh i bërë ndonjëherë në procesin e dialogut.
“Ky formulim, në preambulë, neutral ndaj statusit, është lëshimi më i madh i bërë ndonjëherë në procesin e dialogut. Është barazim i refuzimit serb ndaj pavarësisë me vet aktin e shpalljes së pavarësisë” – tha Abdixhiku. /Njeshi/
