Kandidati i LDK-së për kryeministër, Lumir Abdixhiku sonte ka qenë në fshatin Milloshevë të Obiliqit, ku tha se shumë entuziazëm e mbështetje po gjejnë në çdo anë të vendit.
Abdixhiku përmes një postimi në Facebook ka thënë se kjo fushatë është bërë tashmë kryengritje e djathtë kombëtare dhe u shpreh se populli do ndryshim dhe sipas tij, ai po vjen.
“Në fshatin Milloshevë të Obiliqit, pritja ishte madhështore. Kaq shumë entuziazëm e mbështetje po gjejmë në çdo anë të vendit! Kjo fushatë, është bërë tashmë kryengritje e djathtë kombëtare! Populli ynë do ndryshim! Ndryshimi po vjen; dhe s’ka asgjë që e ndalë atë tashmë”,
“Vazhdojmë, secilën ditë e secilën mbrëmje në takime e tubime në mbarë Kosovën! Ju faleminderit! LDK dhe populli janë tashmë një”, ka shkruar Abdixhiku./Njeshi/
