Kryetari i Lidhjes Demokratike të Kosovës, Lumir Abdixhiku, ka shkruar për ‘Turneun e Ndryshimit’ që po e zhvillon në vende të ndryshme si brenda, po ashtu edhe jashtë Kosovës për të cilin ka thënë se po dëshmon momentumin e jashtëzakonshëm nëpër të cilin kjo parti po kalon.
I pari i LDK-së, ka shkruar për tubimin e mbajtur në Vjenë të mbajtur sonte, për të cilin ka thënë se dëshmon që ndryshimi është afër dhe se LDK po forcohet çdo ditë e më shumë.
Abdixhiku tutje, ka shtuar edhe se Kosova është vend i vogël për të përjetuar kaq urrejtje, ndarje e përçarje.
Postimi i plotë:
Turneu i Ndryshimit po vazhdon ta dëshmojë momentumin e jashtëzakonshëm të Lidhjes Demokratike të Kosovës brenda dhe jashtë vendit!
Pas mbështetjes së madhe në tubimet e ndryshimit, sonte ndaluam në Vjenë. Aty bashkatdhetarët tanë na pritën me një pjesëmarrje mbresëlënëse dhe me entuziazmin e flaktë që e reflekton dashurinë dhe përkushtimin e tyre për Kosovën. Mbrëmje si kjo janë dëshmi se ndryshimi është afër, dhe se Lidhja jonë po forcohet çdo ditë e më shumë kudo që rreh zemra e atyre që ja duan të mirën atdheut.
Vizioni ynë për një Kosovë të zhvilluar e të drejtë ku rinia i jetëson ëndrrat dhe e ndërton të ardhmen, ku çdo profesionist ndjehet i përmbushur, dhe ku çdo familje e çdo qytetar e jeton jetën me mirëqenie e dinjitet, nuk mund të realizohet pa përbashkimin tonë të madh në Kosovë e mërgatë!
Jemi popull i vogël për të përjetuar kaq urrejtje, ndarje e përçarje. Jemi vend me shumë mundësi për mos të bërë të ardhmen tonë siç e meritojmë! Të barabartë mes kombeve evropiane!
Bëhu Ndryshimi!
