Kryetari i LDK-së, Lumir Abdixhiku, ka reaguar pasi është konfirmuar se kryeministri Albin Kurti ka rënë në grackën e komedianëve rusë, duke besuar se po fliste me Presidentin e Letonisë.
I pari i LDK-së ka postuar një video në profilin e tij në “Facebook”, ndërsa në sfond dëgjohej Kurti duke biseduar me komedianët rusë.
Në video, ai nuk e thotë asnjë fjalë, vetëm e tund kokën në mënyrë ironike, duke përdorur kështu stilin e gazetarit Berat Buzhala, i cili për fushatën e zgjedhjeve të 9 Shkurtit, doli publikisht në përkrahje të taborit të LDK-së./Njeshi/
