Sërish alarm i kuq për përmbytje dhe mot të keq në Emilia Romagna në Itali.
Parashikimet paralajmërojnë më shumë shi me një ciklon të fuqishëm që vjen nga Tunizia. Në provincën e Ravenës, një helikopter i angazhuar në kontrollimin e linjave të energjisë elektrike u rrëzua.
Si pasojë është lënduar një prej 4 personave që ndodheshin në bord në momentin e incidentit.Në të gjithë provincën e Ravenës, më shumë se 16% e territorit komunal është evakuuar. Erëra të forta në Kalabri, ku një burrë u vra nga rrëzimi i një peme teksa ecte me qenin e tij.
Mediat italiane raportojnë se kryeministrja Giorgia Meloniai mund të largohej herët nga samiti i Hiroshimës dhe të kthehej në Itali për të ndjekur nga afër urgjencën.
Shumë liderë kanë shprehur solidaritetin e tyre me kryeministren italiane. Joe Biden gjithashtu përqafoi Melonin dhe shprehu ngushëllimet dhe mbështetjen e tij.
Ndërkohë, makina e Mbrojtjes Civile është vënë në lëvizje edhe në Piemonte dhe kryebashkiakët po përgatiten të përballen me urgjencën. Balta detyroi mbylljen e 500 rrugëve/Njeshi/
