Siç raportoi ‘RADIO 1’ gjatë mbrëmjes, pas disa shqetësimeve shëndetësore, pasditën e sotme të 29 Janarit, ka ndërruar jetë në moshën 75 vjeçare ish-Kryetari i Komunës së Pejës dhe avokati i njohur Ferid Gjikolli.
Për vdekjen e Ferid Gjikollit, ka reaguar edhe ish-kryetari i Pejës dhe kreu i AAK-së në këtë komunë Ali Berisha.
‘Gjatë qeverisjes time me Pejën, pata fatin e madh që bashkë me prof.Ali Sylqën, Haxhi Lajqin, Riza Llukën e të tjerë të bashkëpunojmë me Ferid Gjikollin. Ishte një njohës i madh i Pejës, i ndërtimit dhe kultivimit të institucioneve të pasluftës dhe një mik i dëshmuar i UÇK-së.’-shkruan mes tjerash Berisha në reagim.
Reagimi i plotë:
‘Me pikëllim pranova lajmin për vdekjen e mikut tim, Ferid Gjikollit, ish-kryetar i komunës së Pejës, në vitet e rënda për fatin e Kosovës!
Kur shumëkush strukej nën tutelat e regjimit serb, Ferid Gjikolli qëndroi vertikal.
Gjatë qeverisjes time me Pejën, pata fatin e madh që bashkë me prof.Ali Sylqën, Haxhi Lajqin, Riza Llukën e të tjerë të bashkëpunojmë me Ferid Gjikollin.
Ishte një njohës i madh i Pejës, i ndërtimit dhe kultivimit të institucioneve të pasluftës dhe një mik i dëshmuar i UÇK-së.
Do ta ruaj në kujtimet më të mira.
Familjes së madhe Gjikolli dhe Pejës, u shprehë ngushëllimet e mia dhe të AAK-së në Pejë.’-shkruan ish-kryetari i Pejës Ali Berisha./Njeshi/
Ndërron jetë ish-kryetari i Pejës dhe avokati i njohur Ferid Gjikolli
