29.5 C
Pec
E shtunë, 20 Korrik, 2024

Ambasada Amerikane: Normalizimi mes Kosovës e Serbisë pa vonesa e parakushte

Ambasada Amerikane në Prishtinë ka reaguar pas deklaratave të ambasadorit amerikan në Serbi, Chrisopher Hill, atyre nga shtetet e BE’së dhe vet bllokut europian rreth njohjes së ndërsjellë si çështje brenda Dialogut.

Në një përgjigje për media thuhet se qëndrimi i ShBA-ve për dialogun ndërmjet Kosovës dhe Serbisë nuk ka ndryshuar

Derisa, ambasada ka thënë se vazhdon t`a mbështet dialogun e lehtësuar nga BE-ja ndërmjet Kosovës dhe Serbisë, për ta arritur një marrëdhënie të normalizuar.

“Ne vazhdojmë të mbështesim fuqishëm Dialogun e lehtësuar nga BE-ja ndërmjet Kosovës dhe Serbisë, si rrugë për të arritur një marrëdhënie të normalizuar, paqësore dhe produktive ndërmjet dy vendeve. E ardhmja e të dy vendeve është në institucionet evropiane; normalizimi i marrëdhënieve të tyre përmes procesit të lehtësuar nga BE-ja është e vetmja rrugë përpara”, thuhet në reagimin e ambasadës.

Ndryshe, ajo tha se pret që Kosova dhe Serbia të respektojnë angazhimet e tyre të dialogut, pa vonesa apo parakushte.

“Ne presim që Kosova dhe Serbia të respektojnë dhe zbatojnë të gjitha angazhimet e tyre të Dialogut plotësisht dhe pa vonesa apo parakushte. Synimi afatgjatë i politikës së Shteteve të Bashkuara është njohja eventuale e ndërsjellë ndërmjet Kosovës dhe Serbisë. Shtetet e Bashkuara të Amerikës e njohin Kosovën si shtet sovran dhe të pavarur, siç e kemi njohur që nga viti 2008”, thotë ambasada./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...