Ambasadori italian në Kosovë, Antonello de Riu, është takuar sot me ministrin e Mbrojtjes, Ejup Maqedonci.
Në një njoftim të shkurtër, Ambasada italiane bën të ditur se De Riu dhe Maqedonci diskutuan bashkëpunimin në fushën e sigurisë dhe mbrojtjes, me fokus të veçantë në bashkëpunimin mes ministrive të dy vendeve, shkruan IndeksOnline.
“Bisedimet u përqendruan në zbatimin e planit dypalësh, nismat e përbashkëta të trajnimit dhe programet e edukimit ushtarak”, thuhet në njoftimin e ambasadës./Njeshi/
