Kryetari i Preshevës, Shqiprim Arifi, ka reaguar ndaj “kontradiktave” të kryeministrit të Kosovës, Albin Kurti, për ndarjen e 2 milionë eurove për Luginën e Preshevës.
Përmes një video që ka publikuar në Facebook, Arifi ka sqaruar procesin për ndarjen e dy milionë eurove që ishin premtuar nga Kurti, duke thënë se pas shkarkimit të ish-kryetares, Ardita Sinani, ka ndryshuar edhe qasja e Kurtit për këtë fond.
Arifi ka deklaruar se Kurti nuk i është përgjigjur shkresave që i janë dërguar në adresë të tij për këtë çështje.
“Kontradiktat e kryeministrit Kurti në lidhje me vendimet për fondin 2 milion euro, dedikuar Luginës së Preshevës!”, ka shkruar Arifi në mbishkrimin e videos.
