Kreu i LVV-së, Albin Kurti dhe kreu i NISMA-s, Fatmir Limaj, ende s’janë kthyer në sallën e Kuvendit pas pauzës 30 minutëshe që ka dhënë kryesuesi derisa Komisioni për Verifikim të Mandateve të hartojë raportin e ri.
Duke qenë se është arritur pajtueshmëri për kalimin e raportit të Komisionit në mënyrë unanime, Kurti më pas ka për obligim si partia më e madhe e dalë pas zgjedhjeve, që të propozojë kandidatin për kryetar të Kuvendit, dhe se për këtë duket se është në kërkim të 3 votave të NISMA-s së Fatmir Limajt.
Gjithashtu ka pasur raportime se Limaj ia ka kërkuar Kurtit postin e kryeparlamentarit.Kurti për kryetarin e Kuvendit llogarit edhe në votat e deputetëve të minoriteteve jo-serbe./Njeshi/
