Gjithçka kishte filluar kur dorasi, Xhevdet Januzaj, do të transferohej si mësimdhënës nga Prizreni, në shkollën fillore “Dardania” në Pejë.
Ku, ai më 27 dhjetor 2019 tenton ta dhunoj nxënësen 13 vjeçare, vajzën e viktimës, GëzimKastrati.Fatmirësisht, vajza kishte arritur të shpëtonte nga tentativa, dhe e tronditur, ajo kishte vrapuar në shtëpi duke i’u treguar familjarëve për atë që kishte ndodhur, të cilët menjëherë e kishin
paraqitur rastin në polici. Pas denoncimit, familja Kastrati kishin marrë shumë kërcënime nga të afërmit e mësimdhënësit, në mënyrë që t’a tërheqin atë mbrapsht, përndryshe do të përballeshin me pasoja.
Mirëpo, familja Kastrati nuk e tërhoqi denoncimin.
Fillimisht, Prokuroria Themelore në Pejë ndaj Xh. Januzaj kishte ngritur aktakuzë për sulm seksual, me shkakun se i njëjti në cilësinë e mësimdhënësit kishte sulmuar seksualisht nxënësen e tij. Januzaj ishte dënuar me mbi 3 vite burg.
Pas daljes së tij nga burgu, Januzaj kishte filluar me kërcënime personale ndaj familjes Kastrati, madje edhe duke i përndjekur ata i armatosur.
Nga ky moment, familja Kastrati të përballej me frikë për të jetuar lirshëm, ndërsa anën tjetër vajza ende e tronditur, po përjetonte ankthe vazhdimisht dhe frikësohej që të rikthehej në shkollë.
Familjarët e Gëzim Kastrati kanë treguar për Indeksonline që gjatë asaj periudhe të gjithë kanë qenë të traumatizuar nga çdo gjë që kishte ndodhur, më së shumti fëmijët, ku djali i viktimës, Gëzim Kastratit nuk mund as të shkonte në punë nga frika që do të përballej me Xh. Januzaj, pasi që ai i përndiqte vazhdimisht dhe i ruante te banesa për të gjetur momentin për t’u hakmarrë, vetëm për arsyen që familja Kastrati nuk e kishte tërhequr denoncimin ndaj tij.
Edhe këto kërcënime dhe situata tensionuese familja Kastrati i kishte paraqitur në polici, mirëpo asnjëherë policia nuk u kishte ofruar mbikqyrje apo përcjellje për të shmangur çdo rrezik nga kërcënuesi, deri kur më e keqja do të ndodhte.
Më 18 maj të vitit 2021, këto kërcënime u shëndrruan në tragjedi, ku dorasi Xhevdet Januzaj do t’i dilte përballë viktimës, Gëzim Kastrati dhe do e qëllonte me 7 plumba, duke e lënë të vdekur në vendin e ngjarjes. Në kohën kur ndodhi ngjarja, viktima po pinte kafe në lokal poshtë banesës së tij.
Kjo ngjarje do të trondiste jo vetëm Pejën, por gjithë Kosovën, ngjarje e cila na bën të dëshpërohemi me dështimin e policis dhe sistemit të drejtësisë karshi një nxënësje 13 vjeçare e cila sulmohet seksualisht në ambiente shkollore nga mësimdhënësi dhe karshi një babai i cili do të sakrifikohej për të mbrojtur vajzën e tij me çdo kusht.
Ky rast, ka shtyrë të rinjët nga Peja që të protestojnë për vajzat dhe gratë dhe që këto ngacmime të ndalohen njëherë e mirë.
Në këtë përvjetor të vrasjes së Gëzim Kastrati, lutemi që raste të tilla të mos përsëriten!/Njeshi/
