Gjatë qëndrimit në Holandë, zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, u takua me eurodeputetin nga radhët e grupit të Aleancës Progresive të Socialistëve dhe Demokratëve (S&D), Thijs ReuteN.
Nga kjo ministri njoftojnë përmes një kumtese se zëvendëskryeministri Bislimi e informoi eurodeputetin me ritmin dhe dinamikën e punës së zhvilluar në përmbushjen e reformave evropiane.
Po ashtu, ai tha se aplikimi i Kosovës për anëtarësim në BE, duhet të njohë hapa tutje të vlerësimit dhe marrjen e pyetësorit që të kemi vlerësim kredibil dhe të barabartë të reformave krahas vendeve të tjera të rajonit.
Në takim u diskutua dhe mbi procesin e dialogut, ku zëvendëskryeministri Bislimi ritheksoi se Marrëveshja Bazike duhet të zbatohet në plotni, pa vonesa e kushtëzime dhe përmes një plani të sekuencimit të drejtë, të balancuar e të barabartë/Njeshi/
