21.9 C
Pec
E shtunë, 15 Qershor, 2024

Blinken: Izraeli do të duhet të vendosë nëse dëshiron normalizimin me Arabinë Saudite

Sekretari amerikan i Shtetit, Antony Blinken, tha se së shpejti do të jetë në dorën e Izraelit të vendosë nëse do të pranojë t’i japë fund luftës në Gaza dhe të marrë pjesë në një “rrugë të besueshme drejt një shteti palestinez” në mënyrë që të normalizojë marrëdhëniet me Arabinë Saudite.

Komentet e tij vijnë ndërsa Shtetet e Bashkuara dhe sauditët po lëvizin drejt finalizimit të kornizës për një marrëveshje historike që do të përfshinte shumë elementë të ndryshëm.

“Izraeli do të duhet të vendosë nëse dëshiron të vazhdojë dhe të përfitojë nga mundësia për të arritur diçka që ka kërkuar që nga themelimi i tij, që janë marrëdhëniet normale me vendet dhe rajonin e tij”, tha Blinken në një seancë dëgjimore të Senatit për Marrëdhëniet me Jashtë.

Blinken tha se pjesa dypalëshe ShBA-Saudite e marrëveshjes do të përpunohej “relativisht shpejt duke pasur parasysh të gjithë punën që është bërë”, raporton CNN, transmeton Klankosova.tv.

Megjithatë, Blinken tha, “sauditët kanë qenë shumë të qartë, kjo do të kërkonte qetësi në Gaza dhe do të kërkonte një rrugë të besueshme për një shtet palestinez”./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...