Sekretari amerikan i Shtetit, Antony Blinken tha të hënën se Izraeli ka pranuar një propozim për të kapërcyer boshllëqet në negociatat e armëpushimit dhe hapi tjetër është që Hamasi të pranojë përpara negociatave të mëtejshme që priten të zhvillohen më vonë këtë javë.
“Deklarata tjetër e rëndësishme është që Hamasi të thotë po, dhe më pas, në ditët në vijim, të gjithë negociatorët ekspertë të mblidhen së bashku për të punuar në mirëkuptime të qarta për zbatimin e marrëveshjes,” tha Blinken në një konferencë për shtyp në Tel Aviv,
Më parë, Blinken tha se shtytja për të finalizuar një armëpushim dhe marrëveshje pengjesh në Gaza ka arritur në një “moment vendimtar”, pasi ai vizitoi Izraelin përpara se të shkonte në Egjipt të martën./Njeshi/
