Kolapsi i mundshëm energjetik në Kosovë ishte një ndër temat e diskutimit në emisionin DPT te Fidani, me deputetin e betuar të Lidhjes Demokratike të Kosovës, Besian Mustafa.
Mustafa tha se Blloku A3 i Kosovës A në Korporatën Energjetike të Kosovës, është jashtë funksionit.
Ai theksoi se menaxhmenti i KEK-ut e ka zvarritur remontin kapital të këtij blloku për disa vite.
“Dhe ka gjasa dhe unë po shpresoj që nuk është e vërtetë dhe shpresoj që e kam gabim. Por, ka gjasë që blloku A3 të jetë dëmtuar aq shumë në mungesë të remontit kapital, sa që të mos arrijnë ta rimëkëmbin. Shpresoj të mos jetë e vërtetë, por gjasa duken të jenë reale”, deklaroi Mustafa /Njeshi/
