Zyra për Media e KRU ‘Hidrodrini’ ka bërë të ditur këtë pasditë se në mbledhjen e radhës të Bordit të Përkohshëm të Drejtorëve të KRU ‘Hidrodrini’ Sh.A., Pejë, të mbajtur sot në formë hibride (me pjesëmarrje fizike dhe online), është marrë vendimi për anulimin e vendimit nr.42/5 të datës 31.07.2024, i cili kishte të bënte me shkarkimin e ing. Dri Cena nga pozita e Kryeshefit Ekzekutiv.
Mbledhja është kryesuar nga Qëndresa Kukaj, ndërsa pjesë e bordit ishin Noli Carrabregu, Mirjeta Heta dhe Samir Lleshi-drejtorë si dhe U.D. Kryeshefi Ekzekutiv i KRU ‘Hidrodrini’, Besnik Zeqiraj.
Në mbledhje ka marrë pjesë edhe Kreshnike Dreshaj, Sekretare e Kompanisë.
Bordi shqyrtoi dhe aprovoi draft/procesverbalet e mbledhjeve të mëparshme, përfshirë atë të datës 09.08.2024 të ish-Bordit të Drejtorëve dhe mbledhjen konstituive të Bordit të Përkohshëm të datës 01.09.2024.
Në raportin e U.D. Kryeshefit Ekzekutiv, Besnik Zeqiraj, u prezantua gjendja aktuale e kompanisë, e cila u votua unanimisht nga anëtarët e bordit. Ndër çështjet e diskutuara u përmend edhe përmirësimi i shërbimeve profesionale për konsumatorët.
Komunikata e plotë:
KRU ‘HIDRODRINI’ Sh.A. – Pejë
U mbajtë Mbledhja e radhës e Bordit të Përkohshëm të Drejtorëve – Bordi i Përkohshëm anuloi vendimin nr.42/5 të datës 31.07.2024 për shkarkimin e ing. Dri Cena nga pozita e Kryeshefit Ekzekutiv
Në Mbledhjen e sotme hibride (me pjesëmarrje fizike dhe online), Bordi i Përkohshëm i KRU ‘Hidrodrini’ Sh.A, në përbërje të znj. Qëndresa Kukaj-kryesuese, z.Noli Carrabregu, znj.Mirjeta Heta dhe z.Samir Lleshi – Drejtorë dhe z. Besnik Zeqiraj – U.D. Kryeshef Ekzekutiv i KRU ‘Hidrodrini’.
Ka marrë pjesë në takim edhe znj. Kreshnike Dreshaj – Sekretare e Kompanisë.
Në takimin e sotëm Bordi i Përkohshëm, ka aprovuar dhe shqyrtuar të gjitha pikat e rendit të ditës, si më poshtë;
*Është aprovuar Draft/procesverbali nga Mbledhja e rregullt e ish-Bordit të Drejtorëve të datës 09.08.2024 dhe Draft/procesverbali nga Mbledhja konstituive e Bordit të Përkohshëm të Drejtorëve të datës 01.09.2024,
*Është aprovuar me votë unanime, Raporti i U.D. KE-së z.Besnik Zeqiraj për gjendjen në kompani,
-ndërsa
*Bordi i Përkohshëm në pikën e III-të të rendit të ditës, anuloi Vendimin e ish-Bordit të Drejtorëve, me nr.42/5 të datës 31.07.2024 që kishte të bënte me shkarkimin e ing. Dri Cena nga pozita e Kryeshefit Ekzekutiv.
Janë diskutuar dhe vlerësuar edhe çështje tjera me rëndësi, e me refleksion në shërbime sa më profesionale në të mirë të konsumatorit.’-thuhet në komunkatën nga Zyra për Media e KRU ‘Hidrodrini’ – Pejë./Njeshi/
