Sanimi i dëmit që është shkaktuar nga sulmi në kanalin kryesor të Ibër Lepencit pritet të bëhet brenda tre orëve.
Aty pritet të vendosen gypa të llojit Fi900, derisa të rregullimi i plotë i dëmit.
Ekiper të Klan Kosovës kanë qëndruar në vendin e ngjarjes në fshatin Varragë të Zubin Potokut, ku ka ndodhur sulmi në fjalë.
Për një kohë të gjatë aty kanë qëndruar zyrtarë shtetëror përfshirë ministrin e Punëve të Brendshme, Xhelal Sveçla, drejtori i Policisë së Kosovës, Gazmend Hoxha, zv/Ministri i Ekonomisë Getoar Mjeku, ministri kjo që mbulon Kompanitë Rajonale të Ujësjellësit dhe Faruk Mujka, drejtor i Ndërmarrjes Hidroekonomike “Ibër Lepenci”.
Gjatë tërë kohës në atë pjesë kanë qëndruar njësite të Policisë së Kosovës, ushtarët amerikanë të KFOR-it të cilët me armë të gjata kanë patrulluar vazhdimisht.
Aty kanë qarkulluar edhe makineri të shumta për të sanuar dëmin në fjalë, duke dërguar gypa të mëdhenj për t’i plotësuar pjesët që janë dëmtuar nga sulmi në fjalë./Njeshi&KlanKosova.tv/
