Deputetja e PDK-së, Vlora Çitaku, ka reaguar ashpër pas ndërprerjes së seancës së sotme konstituive të Kuvendit të Kosovës, duke akuzuar Lëvizjen Vetëvendosje për uzurpim institucional dhe shkelje të Rregullores së Kuvendit.
“Sot, kryesuesi i seancës e shkeli me të dy këmbët Rregulloren e Kuvendit. Propozimi i VV-së për kryetar është dashur të hidhej në votim – pastaj është në dorën e deputetëve të vendosin me votë, pro apo kundër,” shkroi Çitaku.
Ajo e quajti situatën “marrëzi totale” dhe “shkelje të rëndë të demokracisë parlamentare”./Njeshi/
