Agjencia e Statistikave të Kosovës (ASK) ka publikuar sot të dhënat për Indeksin e Harmonizuar të Çmimeve të Konsumit për muajin mars 2025.
Sipas ASK-së, inflacioni vjetor për këtë muaj është rritur me 2.9%, krahasuar me marsin e vitit të kaluar, ndërsa inflacioni mujor (krahasuar me shkurtin 2025) është 0.8%.
Çmimet që ndikuan më së shumti në rritjen vjetore
Rritja e përgjithshme prej 2.9% është nxitur kryesisht nga shtrenjtimi i produkteve ushqimore dhe shërbimeve, si:
Kafe, çaj dhe kakao (+17.1%)
Perime (+8.7%)
Mish (+8.3%)
Shërbime për pajisje personale transportuese (+7.6%)
Qumësht, djathë dhe vezë (+7.1%)
Pemë (+6.7%)
Pije alkoolike (+6.3%)
Libra dhe materiale për zyra (+6.2%)
Shërbime hoteliere (+5.8%)
Pije joalkoolike dhe lëngje frutash/perimesh (+5.4%)
Këpucë dhe shërbime financiare (të dyja +5.2%)
Këto grupe kanë pasur një ndikim të përbashkët prej 3.5% në rritjen e përgjithshme të indeksit.
Çmimet me rënie:
Megjithatë, janë regjistruar edhe disa ulje çmimesh, si:
Lëndë djegëse të ngurta, dru zjarri dhe pelet (-6.7%)
Karburante dhe lubrifikantë për transport personal (-5.0%)
Këto kanë ndikuar me -0.6% në uljen e IHÇK-së.
Rritja mujore (Mars 2025 / Shkurt 2025):
Në krahasim me muajin shkurt, çmimet u rritën me 0.8% në mars, të udhëhequra nga:
Perime (+5.3%)
Pemë (+4.5%)
Shërbime ambulantore (+3.3%)
Pajisje për shtëpi dhe kopsht (+2.7%)
Këpucë (+2.6%)
Shërbime hoteliere (+2.5%)
Kafe, çaj dhe kakao (+2.4%)
Mish (+2.3%)
Ndërkohë, çmimet e energjisë elektrike ranë me -4.7%, ndërsa karburantet me -0.9%, duke ndikuar me një ulje totale prej -0.2% në IHÇK.//Njeshi/
