5.5 C
Pec
E premte, 19 Prill, 2024

Dëshmitari i ZPS-së në gjykimin ndaj Thaçit e të tjerëve, pretendon se është rrëmbyer dhe rrahur nga UÇK-ja

Dëshmitari i 47-të i Zyrës së Prokurorit të Specializuar ka filluar dëshminë në Dhomat e Specializuara të Kosovës, duke pretenduar se në qershor të 1999 është rrëmbyer dhe rrahur nga anëtarët e UÇK-së.

Pamje drejtpërdrejtë nga Dhomat e Specializuara në Hagë, 26 shkurt 2024.
Në Dhomat e Specializuara të Kosovës (DhSK) në Hagë ka filluar dëshminë dëshmitari i 47-të i Zyrës së Prokurorit të Specializuar me kodin W02749 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Ky dëshmitar është me masa mbrojtëse dhe në përmbledhjen e lexuar nga përfaqësuesit e ZPS-së, pretendohet se në qershor të 1999 ai është rrëmbyer dhe rrahur nga anëtarët e UÇK-së.

“W02749 ka qenë banorë i Prizrenit. Në qershor të 1999 është rrëmbyer dhe rrahur nga anëtarët e UÇK-së. Është dërguar në një ndërtesë e cila është përdorur nga UÇK-ja ku është marrë në pyetje dhe është rrahur me teje. Gjatë ndalimit ai ka vërejtur edhe persona të tjerë të ndaluar dhe është liruar nga një ushtar i UÇK-së”.

Pyetjet për këtë dëshmitar është duke i parashtruar përfaqësuesi nga Zyra e Prokurorit të Specializuar në sesion privat për publikun.

Sipas kryetarit të trupit gjykues, Charles Smith III, dëshmia e këtij dëshmitari do të zgjasë një ditë. Ai tha se ZPS-ja ka paraparë rreth një orë e gjysmë për ta marrë në pyetje këtë dëshmitar, mbrojtja e viktimave nuk ka pyetje, kurse mbrojtja e të akuzuarve kanë parashtruar se u duhen rreth katër orë.

Vlen të theksohet se deklaratat e dëshmitarit të dhëna më herët për ZPS-në u pranuan si prova materiale së bashku me materialet përcjellëse. Dëshmitari i ZPS-së në gjykimin ndaj Thaçit e të tjerëve, pretendon se u rrëmbye dhe u rrah nga UÇK-ja.

Të pranishëm në sallën e gjyqit janë të gjithë të akuzuarit përveç Jakup Krasniqit, i cili është i kyçur përmes video-lidhjes.

Ndryshe, Zyra e Prokurorit të Specializuar, më 30 shtator 2022, ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...