Reperi shqiptar Dion Shala, i njohur me emrin artistik Digga, ka publikuar këngën e tij më të re me titull “Tommy Shelby”, një projekt që është frymëzim nga figura ikonike e serialit “Peaky Blinders”.
Kjo është kënga e gjashtë me radhë nga artisti pejan, duke dëshmuar vazhdimësinë dhe stilin e tij të veçantë në skenën muzikore.
“E kam titulluar ‘Tommy Shelby’ sepse ai karakter më ka frymëzuar gjithmonë – i ftohtë, i vendosur dhe gjithmonë një hap përpara,” thotë Digga.
Kënga është punuar nga Rajmond Berani, poashtu edhe muzika. Tekstin original e ka shkruar vetë artisti Digga.
Videoklipi, i realizuar nga NR është minimalist vetëm një foto por me një atmosferë që përkon me tonin e këngës.
“Ndonjëherë mjafton një imazh për të përcjellë ndjesinë” shton ai. /Njeshi/
