Gjatë orëve të hershme të mëngjesit të sotëm, është djegur një lokal në rrugën ‘Madeleine Albright’ që ndodhet në qendër të Pejës.
Toger Fadil Gashi, zëdhënës i Policisë Rajonale të Pejës ka sqaruar për ‘Radio 1’ rrethanat fillestare, lidhur me djegien e kafeterisë “Fox”, që është nën hetime nga njësitet relevante.
“Një njësit patrullues i policisë, ka kaluar rastësisht nga lokali që ishte duke u djegur dhe ka parë se aty po intervenohej nga njësiti i zjarrfikësve”, ka thënë Gashi.
Sipas tij, ishte një fqinj që banonte në banesat sipër, i cili raportoi se po digjej një kafeteri.
Deri më tani, nuk ka asnjë raport se çfarë e ka shkaktuar zjarrin, ndërsa pos dëmeve të konsiderueshme materiale, nuk raportohet për të lënduar. /Njeshi/
