26.2 C
Pec
E hënë, 20 Shtator, 2021

Djali i Hysni Gucatit: Vendimi i autoriteteve holandeze për moslejimin e vizitës i padrejtë e diskriminues

Djali i Hysni Gucati, Musliu, e ka quajtur të padrejtë dhe diskriminues vendimin e Gjykatës Speciale, për moslejim të vizitës në Hagë, pas kërkesë për më shumë se një muaj.

I biri i ish-kreut të OVL të UÇK-së, thotë se arsyetimi i autoriteteve holandeze se kinse familjarët nuk kanë dëshmuar se kanë mjete të mjaftueshme për të udhëtuar në Hagë është i papranueshëm.

Ai në një konferencë të përbashkët edhe me udhëheqës aktual të kësaj organizate tha se të gjitha shpenzimet e nevojshme janë paguar nga ministria e Drejtësisë.

“…i gjithë dokumentacioni është përgatitur, MD i ka paguar të gjitha, jemi vaksinuar me kohë. Vendimi i autoriteteve holandeze është i padrejtë edhe diskriminues”.

Faton Klinaku, ushtrues detyre i kryetarit të OVL të UÇK-së, tha se po përdoren standarde të dyfishta nga Specialja me arsyetimin se familjarët nuk kanë mjete të mjaftueshme financiare për vizitë.

Ai shtoi se me këtë vendim po shkelen të drejtat e familjarëve, duke shtuar se familjarët nuk po shkojnë në Hagë për të bërë biznes.

“Si OVL e UÇK-së përveç kësaj padrejtësie ne kemi shfaqur edhe padrejtësi të tjera. Kjo gjykatë është miratuar nga deputetët faqëz zi. Kjo gjykata ua shkele familjarëve të drejtat për të vizituar. Moslejimi i vizitave duke u thirr në atë se kanë shumë financa, po përdoren standarde të dyfishta”.

“Edhe pse gjatë kësaj kohe biseduar me familjen Gucati, qe një muaj heqin për të shkuar edhe pse MD-ja ka garantuar që i heq shpenzimet. Familja e Gucati nuk shkojnë në Hagë për të bërë biznes, kjo është gjykatë politike pasi nuk është dashur që të iu ndalohet vizita”.

“Po hyjmë në muajin e 11 që krerët e OVL nuk janë takuar nga familjarët. Gojën nuk ma na kurrkush. Unë e paraqes qëndrimin e OVL të UÇK-së, që nuk kem bashkëpunuar prej janarit me Specialen dhe të gjithë dokumente që vijnë nga ta do t’i shpërndajmë siç kam thënë”. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...