29.6 C
Pec
E martë, 23 Korrik, 2024

Dorëhiqet Shkumbin Ahmetxhekaj, Zana Spahiu emërohet ushtruese e detyrës së drejtoreshës së RTK-së

Bordi i Radio Televizionit të Kosovës ka njoftuar se ka emëruar Zana Spahiun në pozitën e ushtrueses së detyrës së drejtoreshës së përgjithshme të RTK-së.

Ky bord njofton se emërimi i saj erdhi pas dorëheqjes së drejtorit  të deritanishëm, Shkumbin Ahmetxhekaj nga ky post.

Poashtu bëhet e ditur se vendimi në fjalë erdhi pasiqë Ahmetxhekaj e kishte paraqitur dorëheqjen e tij më 23 maj.

“Ky vendim i bordit ka ardhur pasi që me datën 23.05.2024 z. Shkumbin Ahmexhekaj ka paraqitur dorëheqjen e tij nga pozita e drejtorit të përgjithshëm të RTK-së. Sipas kërkesës dhe përcaktimit nga ana e tij, dorëheqja do të jetë efektive nga data 08.07.2024, gjë për të cilën ka marrë edhe dakordimin e Bordit të RTK-së në mënyrë që të kryhen punët që kanë qenë në proces, përfshirë edhe pjesëmarrjen në Asamblenë e Përgjithshme të EBU-së”.

“Bordi i RTK-së fillimisht e kishte emëruar z. Ahmetxhakaj ushtrues të detyrës së drejtorit të përgjithshëm më 19 janar 2022, pas shkarkimit të ish-drejtorit z. Kastrati, ndërkaq pas një procesi transparent dhe meritokratik, ai është zgjedhur dhe emëruar më 20.06.2022 drejtor i përgjithshëm i RTK-së”.

“Bordi i RTK-së falënderon z. Ahmetxhekaj për bashkëpunimin e deritanishëm.Me z. Ahmetxhekaj Bordi ka pasur një bashkëpunim korrekt, ndërkaq javë më parë ka pasur mospajtime dhe qasje të ndryshme lidhur me rastin e dhunës psikike që ka ushtruar drejtori i radios z. Arsim Halili ndaj disa grave në RTK, veçanërisht ndaj udhëheqëses së zyrës ligjore. Bordi ka pritur që drejtori i përgjithshëm ta trajtojë këtë rast konform përgjegjësive të tij. Bordi rithekson që dhuna psikike dhe çfarëdo lloj presioni i ngjashëm nga kushdo ndaj kujtdo, janë të papranueshme dhe nuk do të lejohen në RTK”, thuhet në njoftim.

Zana Spahiu e cila do të jetë ushtruese detyre e transmetuesit pulbik është e diplomuar në Universitetin e Prishtinës – Fakulteti Juridik.

“Nga viti 2010 ajo filloi punën në RTK si juriste, derisa në vitin 2022 u zgjodh udhëheqëse e zyrës Ligjore në RTK. Ajo ka mbi 14 vjet përvoje pune në fushën ligjore”, theksohet më tej në njoftimin për media të Bordit të RTK-së.

 

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...