Dje janë publikuar nominimet për MTV Video Music Award 2024.
Ato kryesohen nga Taylor Swift me 10 nominime në përgjithësi.
Ajo ndiqet nga bashkëpunëtori i saj i “Fortnight”, Post Malone, i cili është nominuar së bashku me Swift tetë herë dhe fitoi nominimin e nëntë për hitin e tij “I Had Some Help” me Morgan Wallen, raporton Klankosova.tv.
Të nominuarit e kategorisë për artisten e vitit të shpallur të martën janë Ariana Grande, Bad Bunny, Eminem, Sabrina Carpenter dhe SZA.
Ndërkaq, këngëtarja jonë me famë botërore, Dua Lipa, është e nominuar në tre prej kategorive të ceremonisë së sivjetme të MTV Video Music Awards.
Në kategorinë “Best Pop”, Dua në konkurrencë ka pikërisht Swiftin, përpos Camila Cabellos, Olivia Rodrigos, Sabrina Carpenterit dhe Tate McRaes.
Ylli i shumë hiteve botërore është e nominuar edhe në kategorinë “Kinematografia më e mirë” me “Illusion”. Për konkurrencë, Dua në këtë kategori ka sërish këngëtaren me më së shumti nominime, Taylor Swift, si dhe Ariana Granden, Charli xcx, Olivia Rodrigon e Rauw Alejandron.
Ndërkaq, Dua konkurron për çmim edhe në kategorinë “Koreografia më e mirë” me projektin e saj “Houdini”. Këtu mungon Swift, mirëpo konkurrenca sërish është e fortë, me Bleachers, LISA, Rauw Alejandro, Tate McRae dhe Troye Sivan.
Dua Lipa është nominuar disa herë për NTV VMA Award, mirëpo asnjëherë nuk e ka fituar deri më tani./Njeshi/
