115 mijë euro janë ndarë për Komisionin Shtetëror për Shënjimin dhe Mirëmbajtjen e Kufirit, që udhëhiqet nga Shpejtim Bulliqi. Nga pesë mijë euro, janë ndarë edhe për 25 shoqatat e familjarëve të të pagjeturve për mbulimin e shpenzimeve për aktivitetet gjatë vitit 2019.
Këto nuk kanë qenë ndarjet e vetme buxhetore.
Në mbledhjen e sotme është aprovuar edhe kërkesa e Këshillit Prokurorial të Kosovës, përkatësisht Prokurorisë Speciale të Republikës së Kosovës për kompensimin e shtesave dhe stimulimit për vitin 2019, në shumën prej 171,864 euro.
Në anën tjetër, kabineti qeveritar në mbledhjen e sotme ka shqyrtuar edhe propozim-vendimin për aprovimin e kërkesës për ndihmë financiare për kompaninë “Euromaks” shpk në komunën e Pejës.
Kryeministri Ramush Haradinaj ka thënë se janë kërkuar 200 mijë euro për kompensim. E, Ministri i Drejtësisë, Abelard Tahiri, ka thënë se duhet të shkoj në Komisionin Qendror pasi që sipas tij nuk janë shpjeguar siç duhet shkaktarët e djegies.Kjo pikë është shtyer në mënyrë që ministria të jap shpjegim. /Njeshi/
]]>
