Ministria e Jashtme e Francës ka emëruar diplomatin Rene Troccaz si të dërguar të posaçëm për rajonin e Ballkanit Perëndimor.
Në një njoftim të kësaj ministrie thuhet se emërimi i tij është në përputhje me përfshirjen e shtuar të Francës në rajon në sfondin e afrimit të Ballkanit Perëndimor me Bashkimin Evropian.
“I dërguari i posaçëm do të përfshihet në çështjet më të rëndësishme të politikës rajonale, në bashkërendim me homologët e tij evropianë dhe amerikanë. Ai do të vëzhgojë gjithashtu nismat e bashkëpunimit rajonal, veçanërisht Procesin e Berlinit”, thuhet mes tjerash në njoftim.
Njoftimin e bëri të ditur, në një postim në platformën “X”, edhe vet diplomati i sapo emëruar, Rene Troccaz.
“Nga sot jam emëruar i dërguar special për Ballkanin (nga Ministria e Punëve të Jashtme). Emërohet i dërguar i posaçëm për Ballkanin”, ka shkruar Troccaz/Njeshi/
