10 C
Pec
E mërkurë, 28 Shkurt, 2024

Gazetarja Rinë Haziri sulmohet dhe pengohet teksa po raportonte nga Brezovica

Asociacioni i Gazetarëve të Kosovës ka njoftuar se gazetarja Rinë Haziri është sulmuar e penguar gjatë ditës së sotme nga një qytetar, teksa po raportonte nga Brezovica.

Në pamjet e publikuara nga mediumi ku punon Haziri, shihet dhe dëgjohet një person teksa i thotë të mos incizojë.

Më tej bëhet e ditur se i njëjti person ka dalë nga vetura dhe me dhunë ia ka kapur telefonin nga dora, duke vazhduar ta kërcënojë edhe me fjalë të tjera.

“Redaksia e Lajmi.net, kanë bërë të ditur se rasti është lajmëruar edhe në Policinë e Kosovës”, thuhet në njoftim e AGK-së.

“Asociacioni i Gazetarëve të Kosovës është i shqetësuar me pengimin dhe sulmin ndaj gazetares, Rinë Haziri, dhe i bënë thirrje Policisë së Kosovës që rastin ta trajtojë me prioritet në mënyrë që personi të mbahet përgjegjës për veprimet”./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...