Opinionisti dhe analisti i mediave kosovare Gazmir Raci ka reaguar ndaj sjelljes së ultë, gjegjësisht gënjeshtrës publike para mediave, të zv/Drejtorit të Shkollës Fillore ‘Asdreni’ në Pejë Skender Puka, i cili brenda një kronike gazetareske, ku trajtohej problematika e rastit të moslejimit të vazhdimit të procesit mësimor në shkollën në fjalë, për një vajzë të mbuluar, gënjen publikisht dhe mundohet ta lajthisë gazetarën e cila po realizonte kronikën, duke u prezantuar para kamerës së pari si punëtor teknik i shkollës, e më pas, i zënë ngushtë nga ekipi gazetaresk, e pranon se është vet ai, zv/Drejtori.
Brenda kronikës Skender Puka, duke tentuar të ik nga përgjegjësia, i thotë gazetës së Drejtoresha dhe Zv/Drejtori nuk ndodhen në objektin shkollor, ndërsa ai është një punëtor teknik. Veprimin, Puka e bënë, i ngushtuar nga rrethanat, meqë gazetarët po kërkonin intervistë nga ai.
Për pak çaste gazetarët, meqë ishin nga Prishtina, bien pre e gënjeshtrës publike të PUkajt duke i besuar se ai është punëtor teknik, siç edhe prezantohet në fillim, e më pas e kuptojnë lajthitjen dhe ja publikojnë brenda kronikës.
Për këtë gjest të Pukës, ka reaguar analisti Gazmir Raci.
‘Me pas kryetar, ky zv/drejtori i shkollës duhet me ec në shpi për gënjeshtrën publike që e bënë ndaj kolegëve gazetarë!’-shkruan mes tjerash Raci.
Reagimi i plotë:
‘Qytetarë të dashur, prindër të fëmijëve të Pejës, fatkeqësisht ky është niveli menaxherial në shkollat e Pejës, i instaluar nga viti 2013, në institucionet e nxënjes së dijes nga komuna!
Fatkeqësisht fëmijët janë nën menaxhimin e individëve të sojit të tillë!
Me pas kryetar, ky zv/drejtori i shkollës duhet me ec në shpi për gënjeshtrën publike që e bënë ndaj kolegëve gazetarë!
Ndryshe, kronika ishte realizim nga Insajderi, ku trajtonte problematikën e rastit të moslejimit të vazhdimit të procesit mësimor në shkollën në fjalë, për një vajzë të mbuluar./Njeshi&RADIO 1/
