Një mjet i pashpërthyer është gjetur dje në fshatin Radostë të Rahovecit, pranë binarëve të trenit.
Sipas raportit të Policisë së Kosovës, zbulimi është bërë nga një qytetar, i cili gjatë punimeve në arën e tij ka vërejtur objektin e dyshimtë dhe menjëherë ka njoftuar autoritetet.
Në vendngjarje ka dalë njësiti i specializuar EOD i FSK-së, i cili ka kryer me sukses asgjesimin e mjetit eksploziv. Fatmirësisht, nuk është shënuar asnjë incident apo rrezik për banorët e zonës.
Policia e Kosovës apelon tek qytetarët që të raportojnë menjëherë çdo objekt të dyshimtë për të garantuar sigurinë publike. /Njeshi/
