Komandanti i FSK-së, Gjenerallejtënant Bashkim Jashari priti sot në takim lamtumirës drejtorin e deritanishëm të NALT, Gjeneral Brigade Christian Nawrat dhe atë në ardhje, Gjeneral Brigade Dr. Sven Lange.
Sipas njoftimit të FSK-së, Jashari falënderoi Gjeneralin Nawrat për shërbimin e tij të deri tanishëm si Drejtor i Ekipit Këshillues dhe Ndërlidhës të NATO-s (NALT), duke vlerësuar dhe shprehur mirënjohje të lartë për punën e tij.
Në anën tjetër, thuhet se Gjenerali Nawrat përgëzoi Gjeneral Jasharin për udhëheqjen e proceseve transformuese të FSK-së dhe e falënderoi për bashkëpunimin korrekt dhe profesional.
Në fund, thuhet se palët u pajtuan që bashkëpunimi ndërmjet FSK-së dhe Ekipit Këshillues dhe Ndërlidhës të NATO-s (NALT) të zhvillohen edhe më tutje duke u fokusuar në fushat e zhvillimit të kapaciteteve të FSK-së në funksion të përmbushjes së misionit të saj, si dhe arritjen e standardeve të NATO-s, ku edhe aspirojmë të integrohemi./Njeshi/
