Siç raportoi më herët ‘RADIO 1’, një gjuajtje me armë zjarri ka ndodhur pak pas mesditës tek stacioni i Autobusëve në Pejë.
Nuk dihet se kush ka qenë cak i kësaj gjuajtje e as për të lënduar ose bilanc tjetër nga kjo gjuajtje.
Për rastin sapo kanë folur edhe nga Policia rajonale. Driton Rugova – Zyratar për Informim tha për ‘RADIO 1’ se Ekipet përkatëse policore janë në vendngjarje ndërsa ende janë në fazën e grumbullimit të informatave.
‘Rreth orës 12:20 minuta komanda policore në Pejë, është njoftuar për gjuajtje me armë në rrugën ‘Vëllëzërit Gërvalla’ tek stacioni i autobusëve. I jemi përgjigjur me urgjencë vendit të ngjarjes ndsa tani janë shtuar ekipet dhe njësitet përkatëse. Deri në këtë fazë nuk mund të konfirmojmë diçka tjetër e as për të lënduar. Jemi në grumbullim të informacioneve ndërsa një aksion në rrugë operacionale po zhvillohet.’-tha Rugova për ‘RADIO 1’.
Hyrja për në hapësirat e stacionit të Autobusëve mbetet e bllokuar./Njeshi&RADIO 1/
Me mbjellje fidanësh në Pejë, Shoqata “Gjeravica” shënoi 22 Prillin – Ditën e Tokës
