20.5 C
Pec
E martë, 16 Prill, 2024

Haradinaj kritikon fort Kurtin për deklaratat për SHBA-në: Albin, mos e luajë viktimën

Ish kryeministri i Kosovës Rramush Haradinaj ka reaguar pas një deklarate të Albin Kurtit se “SHBA nuk mund ta përfaqësoj Kosovën”.

Haradinaj ka pyetur Kurtin se cila është logjika e kësaj deklarate.

Kryetari i AAK ka thënë se pse Kurti me çdo kusht po insiston që SHBA-në ta bëjë pjesë të problemit, kur ky vend aleat i Kosovës është dhe do të mbetët si pjesë e zgjidhjes.

Reagimi i plotë:

Cila është logjika e kryeministrit kur thotë se SHBA nuk mund ta përfaqësojnë Kosovën, kur nuk mbahet mend që Amerika ta ketë kërkuar një gjë të tillë! (Pse nuk i kishte shkuar ndërmend Albin Kurtit të thoshte në vitin 1999 se Amerika nuk mund ta çlirojë Kosovën)!
Pse ai me çdo kusht kërkon që Amerikën ta bëjë pjesë të problemit kur ajo ishte dhe është pjesë e zgjidhjes. Pse Albin Kurti mundohet ta krijojë përshtypjen se ai mund të jetë viktimë e një “komploti ndërkombëtar”! Apo po provon që edhe njëherë ta luajë viktimën, si në vitin 2020!

Detyrat dhe obligimet e një kryeministri janë të rënda, aq më tepër në rastin e Kosovës, dhe nëse nuk mund t’u bësh ballë sfidave që t’i nxjerr koha përpara, fajin nuk mund ta kërkosh diku tjetër, pos te vetja!
Kosova nuk e ka luksin të bëjë eksperimente duke u armiqësuar me partnerët strategjikë por duhet të shtrohet e të rinisë një fazë tjetër bashkëpunimi.

Kjo dmth se Kryeministri duhet të bëjë kthesë për 180 shkallë sepse është në drejtimin e gabuar! Ky vit nuk mund të vazhdojë me të njëjtat gabime, sepse me këtë kurs është vënë në rrezik edhe vet ekzistenca e shtetit.
Une u besoj atyre vendeve, që në krye me Amerikën, na janë gjendur në kohë të vështira./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...