16.1 C
Pec
E mërkurë, 22 Maj, 2024

Haradinaj: Masakra në Qyshk, Zahaq, Pavlan e Llabjan, nga ngjarjet më të rënda që kemi përjetuar si popull

Kryetari i Aleancës për Ardhmërinë e Kosovës (AAK), Ramush Haradinaj, ka kujtuar 102 shqiptarët e ekzekutuar në masakrën e Qyshkut, Zahaqit e Llabjanit.

Haradinaj tha se kjo është njëra prej ngjarjeve dhe dhimbjeve më të mëdha që kemi përjetuar si popull.

“Sot, në këtë përvjetor, kemi kujtuar e nderuar edhe eprorët e luftëtarët e kësaj ane, të rënë në beteja të ndryshme të Ushtrisë Çlirimtare të Kosovës në Dukagjin: Skender Çeku nga Qyshku; Jahë Kabashi, Blerim e Bekim Kelmendi, dhe Rifat Veseli nga Llabjani”, ka thënë Haradinaj.

Postimi i plotë:

Masakra në Qyshk, Zahaq, Pavlan e Llabjan, është njëra prej ngjarjeve dhe dhimbjeve më të mëdha që kemi përjetuar si popull. 102 shqiptarë të paarmatosur, do të ekzekutoheshin barbarisht, nga njësitet e kombinuara ushtarake dhe policore serbe, si hakmarrje për humbjet e tyre gjithandej në frontet e luftës.

Sot, në këtë përvjetor, kemi kujtuar e nderuar edhe eprorët e luftëtarët e kësaj ane, të rënë në beteja të ndryshme të Ushtrisë Çlirimtare të Kosovës në Dukagjin: Skender Çeku nga Qyshku; Jahë Kabashi, Blerim e Bekim Kelmendi, dhe Rifat Veseli nga Llabjani.

Ngjarje të dhimbshme, sikur masakra që përkujtuam sot, dëshmojnë për rrugën e vështirë deri në liri, njëkohësisht për dhimbjen e madhe që kaluam si popull.

Krimet e Serbisë nuk mund të harrohen e as të falen. Drejtësia duhet të vendoset sa më parë.

I përjetshëm kujtimi për të rënët. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...