Ministrja e Drejtësisë, Albulena Haxhiu, dhe ministri i Brendshëm, Xhelal Sveçla, kanë qenë sot në Mitrovicë të Veriut, ku janë takuar me nënkryetarën e komunës Katarina Adančić.
Ata kanë nënshkruar memorandumin që mundëson funksionalizimin e strehimores me qëllim të strehimit të viktimave të dhunës në familje.
“Në vazhdën e veprimeve institucionale për ngritje të kapaciteteve të reja për shërbime strehimi për viktimat e dhunës, së bashku me Ministrin Sveçla dhe nënkryetaren e Komunës së Mitrovicës së Veriut, Katarina Adančić, sot nënshkruam memorandumin që mundëson funksionalizimin e strehimores me qëllim të strehimit të viktimave të dhunës në familje.
Mbetemi të përkushtuar që shërbimet e strehimit të ofrohen sa më afër viktimës pa dallim.”/Njeshi/
