‘Hidrodrini’ njofton se janë ndërprerë reduktimet në tërë zonën e mbulueshmërisë, furnizimi 24 orë

Zyra për Media e Kompanisë Rajonale të Ujësjellit ‘Hidrodrini’ – Pejë ka bërë të ditur, se nga sot 19 shtator 2024, në tërë zonën e mbulueshmërisë, komunat Pejë, Istog, Klinë, Deçan e Junik janë ndërprerë reduktimet e ujit të pijes dhe se furnizimi kthehet i plotë – 24 orë.

‘Arsyeja kryesore e ndërprerjes së redukimeve, është se ka rënë dukshëm konsumi i ujit të pijes nga ana e konsumatorëve dhe kanë filluar rreshjet atmosferike. Si rrjedhojë e kësaj, janë ngritur shtyllat e presionit në rrjetin e ujësjellësit për zonën në fjalë.’-thuhet mes tjerash në komunikatë.

Komunikata e plotë:

Njoftohen konsumatorët e territorit të zonës së mbulueshmërisë, komunat Pejë, Istog, Klinë, Deçan e Junik të cilët kanë qenë të afektuar me reduktimin e ujit të pijes se nga sot, datë (19.09.2024) ndërpriten reduktimet dhe furnizimi kthehet i plotë – 24 orë.

Arsyeja kryesore e ndërprerjes së redukimeve, është se ka rënë dukshëm konsumi i ujit të pijes nga ana e konsumatorëve dhe kanë filluar rreshjet atmosferike. Si rrjedhojë e kësaj, janë ngritur shtyllat e presionit në rrjetin e ujësjellësit për zonën në fjalë.

Në anën tjetër, beteja me keqpërdoruesit e ujit të pijes, vazhdon.

Uji është jetë, ta ruajmë, ta paguajmë dhe ta përdorim racionalisht.’-thuhet në komunikatën nga Zyra për Media e KRU ‘Hidrodrini’ – Pejë./Njeshi&RADIO 1/