Ndërsa nesër (e Enjtë) nga ora 11:00, Shoqata e Gazetarëve të Pejës, ka ftuar mbledhje komemorative në Pejë, në Teatrin profesionist ‘Istref Begolli’, e ku do të flitet dhe kujtohet vepra, krijimtaria dhe angazhimi ndër dekada i Hivzi Krasniqit.
Hivzi Krasniqi ndërroi jetë pas një komplikimi të aortës së këmbës, në mbrëmjen e këtij 15 shkurti në kryeqytet, në Prishtinë ku edhe i kaloi dekadat e jetës, ndërsaqë u varros në Pejë më 16 shkurt, në praninë e qindra qytetarëve, artdashësve dhe kolegëve të medias që kishin ardhur nga të gjitha anët e trojeve shqiptare për ti dhënë lamtumirën e fundit.
Ceremonia e varrimit në Pejë
Hivzi Krasniqi njihet si autor i mëse një mijë tekstesh, hite të këngëve shqip, dhe si ndër pionierët e parë radiogazetarisë kosovare, i angazhuar në Radio Prishtinën e dikurshme që nga ditët e para të karrierës së tij.
I ndjeri Hivzi Krasniqi pritej që shumë shpejt të angazhohej në platformën e re të ‘Radio 1’ e cila pritet të nis nga puna së shpejti si dhe në portalin Njeshi. Hivzi Krasniqi për pak kohë në periudhën e luftës ka punuar në ‘Bota sot’, për të vazhduar për disa vite edhe në RTV 21. Më pas ka qenë kryeredaktor i Radio Dukagjinit dhe ishte pensionuar vitin e shkuar pranë RTK-së. /Njeshi/
]]>
