Ambasadori amerikan në Kosovë, Jeffrey Hovenier ka pritur në takim ambsadoren amerikane në Kroaci, Nathalie Rayes.
Përmes një postimi të bërë nga Ambasada amerikane në Prishtinë, Hovenier ka deklaruar se mezi pret që t’ia prezantojë Kosovën ambasadores Rayes.
“Kënaqësi të mirëpresim #USAmbCroatia Nathalie Rayes në vizitën e saj të parë në Kosovë. Mezi pres ta prezantojmë atë në këtë vend të gjallë, ku përkushtimi i Shteteve të Bashkuara të Amerikës ndaj njerëzve të Kosovës është më i fortë se kurrë”, citohet të ketë thënë Hovenier.
Një deklaratë të tillë, ambasadori Hovenier e bëri edhe javën e kaluar në konferencën e përbashkët me presidenten e vendit, Vjosa Osmani. Hovenier tha se pavarësisht sfidave që kanë me Qeverinë Kurti, përkushtimi ndaj Kosovës mbetet i hekurt.
Ambasadori amerikan shtoi se përkushtimi ndaj popullit të Kosovës jo “medoemos vlen për veprimet dhe zgjedhjet politike të caktuara të ndonjë qeverie”./Njeshi/
