Drejtori i Policisë së Kosovës, Gazmend Hoxha ka thënë se me KFOR-in ishin të koordinuar ndërsa planin operativ e kishte ndërmarr vetëm policia.
Hoxha ka thënë se për 18 minuta nga Prishtina kishte mbrritur në Mitrovicë pas marrjes së lajmit për sulmin në Banjskë.“Me ekipën time nga Shtabi kryesor i policisë deri në qendrën e njësive speciale ‘Enver Zymberi’ ka qenë 18 minuta derisa kemi mbrri”.
Ai ka thënë se gjatë asaj rruge kanë kryer shumë telefonata.
“Një nga komunikimet kryesore ka qenë me komandantin e KFOR-it, gjeneralin Ristuccia, pastaj me gjeneralin Barbanio që është shef i Misionit të EULEX-it, pastaj me ministrin tonë të Brendshëm…pastaj kemi mbrri në qendren operative, në dhomën komanduese…”.Ai ka thënë se kanë shpërnda informacionet me partnerët e sigurisë por edhe me nivelin politikë.
“Operacioni i Banjskës është kryer plotësisht nga policia e Kosovës. KFOR-i ka qenë në prapavi dhe është koordinu me neve, mirëpo veprime operative në teren kundër grupit kriminal nuk ka ndërmarr. Të gjitha veprimet kanë qenë të ndërmarrura nga policia e Kosovës, ndërsa ne kemi komuniku me ta, i kemi dhënë informacionet që ne do të ndërhyjmë, komandanti i KFOR-it ka thënë që ne jemi përgjegjësi i tretë dhe ju jeni përgjegjësi i parë për të kryer detyrën. Pastaj ne i kemi kry detyrat tona”, ka thënë komandanti Hoxha./Njeshi
