16.7 C
Pec
E premte, 25 Prill, 2025

I firmosur nga Trump, raporti i DASH për Shqipërinë: Goditja e Berishës sukses i SPAK, vijoni përpara me Reformën në Drejtësi

Departamenti Amerikan i Shtetit (DASH)n i ka dhënë një tjetër goditje ish-kryeministrti shqiptar Sali Berisha ne “Raportin e Strategjisë së Kontrollit Ndërkombëtar të Narkotikëve të 2025-ës”, i cili është firmosur në muajin mars nga Presidenti i SHBA-ve, Donald Trump.

Në raport thuhet se Berisha u mor i pandehur për korrupsion, pasi pasuroi familjen e tij, ndërsa përmend edhe njëherë faktin që ish-kryeminsitri është një person i shpallur non-grata nga SHBA.

Ndërkohë në raport përmendet që nën hetim është edhe dhënri i tij Jamarbër Malltezi, i cili po hetohet për “Dosjen Partizani”.

Gjithashtu në raport vlerësohet puna e bërë nga institucionet e drejtësisë në Shqipëri, veçanërisht nga SPAK.

“SPAK rriti numrin dhe kompleksitetin e hetimeve për pastrimin e parave dhe sekuestrimet dhe kreu hetime financiare dhe pasurore paralele kur dyshonte për pasuri të paligjshme; megjithatë, ndjekjet penale mbeten të ulëta.

Në vitin 2023, SPAK sekuestroi pasuri me vlerë 43 milionë dollarë dhe, në vitin 2024, vazhdoi me arrestimet dhe sekuestrimin e pasurive të ish-zyrtarëve të lartë.

Në shtator 2024, SPAK akuzoi ish-kryeministrin dhe të emëruarin sipas “Aktit të Aprovimeve për Operacionet e Jashtme dhe Programet e Ndërlidhura të Departamentit të Shtetit, 2021”, neni 7031(c), Sali Berisha për korrupsion për veprime zyrtare që përfitonin interesat e familjes së tij.

SPAK gjithashtu akuzoi dhëndrin e tij për korrupsion dhe pastrim parash. SPAK sekuestroi pasuri të paluajtshme, llogari bankare dhe pjesën e dhëndrit në kompani të lidhura me korrupsionin“, thuhet në raportin e DASH.

Më tej në raport theksohet se Shqipëria duhet të vijojë zbatimin e reformës në Drejtësi dhe luftën pakompromis kundër krimit të organizuar dhe korrupsionit.

“Shqipëria duhet të zbatojë ligjet ekzistuese, të ndjekë udhëzimet rregullatore, të kryejë mbikëqyrje efektive, të përmirësojë bashkëpunimin e forcave të rendit dhe të zgjerojë kapacitetin e policisë dhe prokurorëve për t’u përqendruar në korrupsion, pastrim parash dhe krime ekonomike komplekse.

Shqipëria duhet të zbatojë plotësisht reformat e kodit penal të viteve 2016 dhe 2017“, thuhet në raport./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...