Të dielën, më 2 prill nga ora 14:00 në Prishtinë, platforma “Liria ka emër”, organizon Marsh qytetar dhe solidarizues në mbështetje të luftës së drejt të UÇK-së dhe ish-krerëve të saj, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre në Hagë.
Marshi do të niset nga sheshi “Zahir Pajaziti” dhe do të vazhdojë në drejtim të sheshit “Skënderbeu”.
Për detajet e organizimit dhe marshutës së Marshit “Liria ka emër”, dy ideatorët e platformës, Ismail Tasholli dhe Eliza Hoxha, sot në ora 13:00 do të mbajnë konferencë për media.
Konferenca është ftuar të mbahet në Hotel “Sirius” në Prishtinë./Njeshi/
