5 C
Pec
E diel, 21 Prill, 2024

Inspektorati dhe policia bëhen bashkë, vazhdon aksioni ndaj taksive ilegale në Prishtinë

Inspektorati i Prishtinës në bashkëpunim me Policinë e Kosovës, që nga dita e djeshme kanë nisur një aksion ndaj taksive ilegale në kryeqytet, aksion ky që po vazhdon edhe sot.

Drejtori i Inspektoratit të Kryeqytetit, Florian Dushi ka përcjellë për së afërmi aksionin e sotëm.

Ai para gazetarëve ka thënë se ky aksion do të vazhdoj edhe në ditët e ardhshme.

“Jemi në një aksion që po vazhdon që nga dje në bashkëpunim me Policinë e Kosovës, që ka për qëllim kontrollin e linjave të autobusëve, taksitë ilegal dhe kombibusët”, tha Dushi.

Ai shtoi se këto janë disa nga çështjet që po ndikojnë negativisht në rrjedhën e komunikacionit në qytetin e Prishtinës.

“E dini që njëri nga problemet më të mëdha sipas vlerësimeve tona dhe të policisë, janë këto çështje që po ndikojnë negativisht ën rrjedhën e komunikacionit në kryeqytet dhe nga dje kemi vendosur disa pika kontrolli në kryeqytet që i kemi konsideruar si më problematike.

Është me rëndësi të theksohet se si inspektorat kemi pasur kontrolle edhe në të kaluarën, megjithatë e vlerësoj koordinimin dhe mbështetjen që kemi me Policinë e Kosovës. Është një aksion që është planifikuar për një periudhë të gjatë kohore”, tha Dushi.

Kurse zyrtari policor tha se Policia e Kosovës si gjithmonë është në përkrahje si në nivel qendror ashtu edhe lokal, dhe se suksesi i këtij aksioni nuk mund të dihet pa u bërë vlerësimet javore ose mujore lidhur me këtë. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...