Kryeministri i Shqipërisë, Edi Rama ka dhënë detaje nga takimi që ka pasur sot me presidentin e vendit, Bajram Begaj.
Në një postim në Facebook, Rama ka shkruar se i pa propozuar presidentit emërimin e Vlora Hysenit si drejtore e re e Shërbimit Informativ Kombëtar në Shqipëri.
Hyseni është shtetase kosovare e njohur si ish-zëvendësdrejtorja e Agjencisë së Kosovës për Inteligjencë. Ajo është shkarkuar nga ky post në vitin 2021. Ajo ka qenë edhe këshilltare e Ramës së fundmi.
Në njoftimin e lëshuar nga Presidenca dhe Zyra e Kryeministrit të Kosovës, para dy vjetësh, nuk ishte bërë e ditur arsyeja e shkarkimit të Vlora Hysenit. Aty vetëm thuhet se zëvendësdrejtoresha e deritashme e AKI-së obligohet që ta bëjë dorëzimin e të gjitha mjeteve dhe materialeve me të cilat ka qenë e ngarkuar dhe t’i ruajë të gjitha informacionet që i ka marrë gjatë ushtrimit të detyrës.
Pas shkarkimit, Hyseni ishte bërë menjëherë këshilltare e Kryeministrit të Shqipërisë/Njeshi/
'Njeshi' është Portal kosovar, me synimin për të qenë i shpejtë, i saktë dhe origjinal. Mundësi dhe ofertë ndryshe për lexuesin! 'Njeshi' është medium elektronik që vepron në ombrellë me 'RADIO 1' Numri kontaktues:+38349100340
NA KONTAKTONI: [email protected]
© 2019-2020 Njeshi- Të gjitha të drejtat janë të rezervuara
