Sipas raportimeve të mediave izraelite, shërbimet inteligjente të Izraelit kanë kryer tri operacione sekrete brenda territorit iranian, duke përdorur teknologji të avancuar dronësh dhe armësh precize.
Në një nga operacionet, agjentët e Mossad vendosën sisteme armësh pranë kompleksit të mbrojtjes ajrore në Iranin qendror, të cilat u aktivizuan gjatë sulmeve ajrore, duke goditur objektiva të rëndësishëm.
Në një tjetër operacion, u vendosen pajisje në automjete për të çaktivizuar sistemet e mbrojtjes ajrore iraniane, duke lehtësuar kështu goditjet.
Më dramatikisht, Mossad ka ngritur një bazë dronësh të ngarkuar me eksploziv brenda Iranit.
Gjatë sulmeve izraelite, dronët u përdorën për të goditur lëshuesit e raketave tokë-tokë në bazën Asfaghabad pranë Teheranit.
Këto veprime nënvizojnë nivelin e lartë të operacioneve të fshehta dhe aftësinë e Izraelit për të goditur brenda territorit të armiqve të tij me mjetet më të avancuara teknologjike.
Ndryshe, në qendër të sulmeve të Izraelit ndaj Iranit qëndron programi bërthamor i diskutueshëm i Teheranit.
