Ebu Katade Albani, pjesëtar i grupit të snajperistëve shqiptarë në Siri “Xhemati Alban”, ka njoftuar se ka marrë gradën kolonel nga kryekomandanti i rezistencës seriane, Ahmed Shera’a.
Lideri i grupit shqiptar në Siri e ka bërë këtë të ditur me anë të një postimi në ‘Facebook’, ku edhe ka shpërndarë dokumentet në gjuhen arabe për gradimin e tij, shkruan Insajderi.
“Sot, nga kryekomandanti i rezistencës siriane, Ahmed Shera’a, u bë shpërndarja e parë e gradave ushtarake apo emërtimi i eprorëve të parë. Mua personalisht më nderuan me gradën kolonel. Kjo është nder për ne, por njëkohësisht edhe përgjegjësi e madhe. Allahu na ndihmoft, na e lehtësoft dhe na dhashë sukses në detyrat dhe përgjegjësitë e reja ushtarake!“, ka shkruar ai në ‘Facebook’. /Njeshi/
