Në Kosovë javën e ardhshme do të mbajë mot kryesisht i vranët dhe intervale me diell.
Të hënën është paraparë që vende-vende të ketë riga shiu të intensiteti të dobët, ndërsa në vise malore edhe të intensitetit mesatar, ka njoftuar Instituti Hidrometeorologjik i Kosovës.
Të martën po ashtu është paraparë mot i vranët e me intervale me diell, e po ashtu ngjashëm do të jetë moti edhe të mërkurën. Këto ditë parashihet rritje të lehta të temperaturave.
Të enjten do të ketë intervale më të gjata me diell e rritje të temperaturave, ndërsa të premten moti do të jetë kryesisht i vranët dhe me kushte për reshje shiu.
“Gjatë kësaj jave parashihet të fryjë erë nga jugu dhe juglindja me shpejtësi 1-9m/s”, thuhet nga Instituti. /Njeshi/
