Familjarë, miq, shokë, dashamirë e koleg të estradës, i dhanë sot lamtumirën e fundit Xhelal Kelmendit, solist shumëvjeçar i shoqërive të ndryshme kulturo-artistike të qytetit të Pejës dhe këngëtarë i rregullt i SHKA ‘Përparimi’.
I ndjeri, ndërroi jetë papritmas pasdite dje, në moshën 71 vjeçare.
Lamtumira e fundit, iu dha në ora 13:00 në varrezat e qytetit në Pejë.
Xhelal Kelmendi u përcollë për në banesën e fundit, me ceremoni familjare e fetare.
Në nderimin e fundit për të mori edhe pjesë kryetari i komunës së Pejës Gazmend Muhaxheri dhe Drejtori i Shëndetësisë Dr. Petrit Loci.
Me kurora lulesh tek varri i të ndjerit, nderuan dhe respektuan SHKA ‘Përparimi’ dhe SHKA ‘Sofra Pejane’. 
Xhelal Kelmendi rrjedhë nga një familje e njohur muzicientësh në Pejë dhe shumë mikpritëse e bujare.
Fillet e muzikës dhe të këngës, i ndjeri i mori nga paraardhësit e familjes, babai Halili (këngëtar) dhe xhaxhai Ibrahimi, (instrumentist në veglën e gjymryshit).
Xhelal Kelmendi, përpos si këngëtar-pasionant, në brezin e tij është veçuar edhe si njohës i madh i teksteve dhe prejardhjes së këngëve të mirëfillta qytetare pejane dhe më gjërë./Njeshi&RADIO 1/
