Kampionia Olimpike në finale të kategorisë 52kg arriti të mposht xhudisten nga Mongolia Sosorbaram Lkhagvasuren për të konfirmuar epitetin e më të mirës dhe për të dëshmuar super-formën nëpër të cilën po kalon në muajt e parë të këtij viti.
Në ditën e parë në Grand Slam Dusseldorf 2019, xhudistja pejane ka zhvilluar në total 5 duele të cilat i ka përfunduar të gjitha me Ippon.
Në rrugëtimin e saj deri në shkallën më të lart të podiumit arriti të mposht xhudiste si: Verena Thumm nga Gjermania, Eleudis Valentim nga Brazili, Bokyeong Jeong nga Korea e Jugut, Odette Giuffrida nga Italia dhe në finale Sosorbaram Lkhagvasuren nga Mongolia.
Majlinda pak ditë më parë ka fituar medaljen e artë në Çmimin e Madh të Tel Avivit.
Ndryshe, Majlinda Kelmendi në karrierë ka fituar për Kosovën, vetëm në turnetë Grand Slam: 6 medalje të arta, 2 të argjendta dhe 1 të bronztë. /Njeshi
