Duket shumë ndryshe nga Karoq dhe Kodiaq, dhe ka target një audiencë me grupmoshë më të re.
Është aq e mprehtë sa simotrat e saj. Por ka një ndryshim tek fenerët e sipërm në pjesën frontale të makinës. Ato shërbejnë si drita të ditës, dhe dyfishojnë volumin kur ndizen sinjalet e kthesave.
Ndërkohë që në imazhet prezantuese paraqiten rrota shumë të mëdha (ashtu si në çdo skeç prezantues), rrotat më të mëdha të disponueshme janë 18 inç.
Sipas markës, hapësira e makinës është për tu lavdëruar. Makina ka hapësirë 77 cm nga mbështetësja e ndenjëseve të përparme tek mbështetësja e ndenjëses së pasme.
Nuk ka shumë për të thënë për interiorin e makinës, pasi Kamiq e ka trashëguar atë nga hatchback-u kompakt Scala
Sistemet e sigurisë janë të shumtë, me ndihmësin e mbajtjes së korsisë dhe frenim automatik në raste emergjente.
Fuqia vjen nga motori turbocharged me tre cilindra 1.0 litër me benzinë, i cili zhvillon 115 kuaj fuqi. Versioni tjetër është motori me katër cilindra 1.5 litër që prodhon 150 kuaj fuqi.
Ju gjithashtu mund të zgjidhni motorin 1.6 litër me naftë me 115 kuaj fuqi, ose një powertrain që punon me gaz të kompresuar në mënyrë natyrale.
Me një kosto ekstra, Skoda është e lumtur t’ju ofrojë DSG opsionale nëse dëshironi që makina të ndërrojë vetë marshet.
Skoda Kamiq do të jetë e disponueshme me sistemin e drejtimit me rrotat frontale aktive.
Kamiq do të prezantohet në Shfaqjen e Makinave në Gjenevë javën e ardhshme, ndërsa do të dalë në shitje më vonë këtë vit.
]]>
